Wednesday, October 13, 2010

കുടിനീരിന്നായ്‌...

50 comments

(15 October 2010 - Blog Action Day)

ഒരുതുള്ളി നീരിന്നായ്‌

ഒരുപാട് കാലമായ്‌

ഒട്ടേറെ കാതങ്ങള്‍

ഒന്നിച്ചലഞ്ഞു നാം.


കുന്നായ കുന്നെല്ലാം

കൊത്തിമറിച്ചു നാം

കുളമായ കുളമെല്ലാം

കുത്തി നിറച്ചു നാം


പാടവും കൈത്തോടും

പറ്റെ നികത്തി നാം

പലതുള്ളി പെരുവെള്ളം

പാഴാക്കി തീര്‍ത്തു നാം.


മഴവെള്ളം മനസ്സിന്റെ

മറയാക്കിത്തീര്‍ത്തു നാം

മണ്ണിന്‍റെ ചുടുരക്ത-

മൂറ്റിക്കുടിച്ചു നാം.

Wednesday, April 21, 2010

അമ്മ

34 comments












അമ്മയെന്നുളളരു വാക്കുതന്നെ മതി
എന്നുള്ളിലെ ഭയം തീര്‍ത്തു തന്നീടുവാന്‍
അമ്മിഞ്ഞപ്പാലെന്റെ ജീവനില്‍ ചേര്‍ത്തവര്‍
മുള്ള് കൊള്ളാതെന്നെ കാത്തവളാണവര്‍
ഉമ്മ തന്നെന്നെ വാരിപ്പുണര്‍ന്നവര്‍
താരാട്ട് പാടിയുറക്കിയതാണവര്‍
അന്നെന്റെ കണ്‍കളില്‍ ഊര്‍ജ്ജം പകര്‍ന്നവര്‍
ഇന്നെന്റെ പന്ഥാവില്‍ വെട്ടം നിറച്ചവര്‍ .......
മൃത്യുവെത്തുംവരെ പാടിയാല്‍ തീരുമോ
ജീവനില്‍ ജീവനാം അമ്മതന്‍ മാഹാത്മ്യം!!!!!!!!!!